小喬

約一歲嘅女仔，之前喺上水一條行車天橋度救起，隔離咗近一個月，已經打咗兩針同絕育，比較驚青，會哈氣會岀爪，不過為食妹嚟，可以用手指餵肉泥，同埋係好奇寶寶，熟悉環境後會變得非常貪玩；小喬係比較細膽嘅女仔，但只要有嘢食就乜都ok，揀飲擇食Nono ！嚟貓舍一排，體重已經升咗近一倍，仲多咗個肚腩仔，花名小海豹🦭
佢仲係貪玩孩子，有時會當人類隻手係玩具，另外大家意外地發現佢係貓界大愛喵，會同其他細膽貓成為好朋友，帶佢哋岀籠一齊玩。不過面對活潑好動嘅貓，就相反地細膽，唔太夾到。